Nxënësit e Vizbegut edhe këtë vit do të mësojnë në Shuto Orizare

Sipas informatave të Alsat, premtimet shumëvjeçare për ndërtim të shkollës fillore në Vizbeg të Shkupit mesa duket janë ngatërruar në komunën e Butelit dhe për momentin nuk ka shpresa se ky vendbanim do të bëhet me objekt të ri shkollor. Edhe pse kryetari i komunës së Butellit, Petre Llatinovski paralajmëronte vendosjen e gurëthemelit që nga muaji mars i këtij viti, në parcelën e paraparë për objektin nuk është vendosur as edhe një gozhdë, përcjell Telegrafi Maqedoni.
Nga komuna e Butelit thanë se për një kohë të shkurtë do të përmbyllet procedura për fillimin e projektit, duke mos dhënë asnjë informatë më tepër. Nga ana tjetër, banorët janë skeptik për vërtetësinë e informatave nga komuna dhe i konsiderojnë vetëm fjalë të marketingut politik dhe asgjë konkrete.

Rreth 800 nxënës nga Vizbegu janë të detyruar për ecje prej 4 kilometrash çdo ditë, për të arritur te shkolla fillore ’26 korriku’ në Shuto Orizare. Një pjesë e nxënësve mësimin e ndjekin në komunat Çair, Butell dhe Karposh,/Telegrafi/