Christian Pulisic nuk është duke luajtur shumë me Chelsean që nga ardhja e trajnerit të ri, Thomas Tuchel.
Sulmuesi amerikan nuk po përshtatet në skemat e trajnerit gjerman i cili luan pa sulmues anësorë.
Amerikani po e sheh vetën në bankën rezervë që disa javë dhe kjo situatë nuk po i pëlqen fare, edhe pse shihet si yll i madh tek londinezët.
E ardhmja e Pulisic mund të jetë përsëri në Gjermani, ku kaloi katër vite tek gjiganti Borussia Dortmund.
Është kampioni në fuqi i Gjermanisë, Bayern Munich që po interesohet për transferimin e sulmuesit anësorë.
Mediat gjermane kanë raportuar se Bayern po e monitoron situatën e amerikanit dhe në verë mund të dalë me një ofertë zyrtare në drejtim të tij.
Chelsea kishte shpenzuar 64 milionë euro për transferimin e lojtarit, por në rast se vazhdon situata e njëjtë e tij në klub, atëherë Pulisic mund të largohet.
22-vjeçari këtë edicion ka zhvilluar 23 ndeshje në të gjitha garat ku ka shënuar dy gola dhe ka bërë një asistim. /Telegrafi/
