Nuk po bindet për kontratë të re, City i cakton çmimin e largimit De Bruynes

Kthimi i Kevin De Bruyne nga lëndimi i ka dhënë një shtysë të konsiderueshme shpresave të Man City për ta mbrojtur titullin e kampionit në Ligën Premier.

Lajmet e fundit nga Anglia raportojnë se Manchester City po kërkon të zgjasë kontratën e De Bruyne deri në verën e vitit 2026.

Megjithatë, interesim për mesfushorin belg është shfaqur nga klubet arabe, ku Al Nassr dhe Al-Hilal janë të gatshme ta mbulojnë me para De Bruynen.

Lexo po ashtu Planifikohet ofertë e çmendur për De Bruynen, Manchester Cityt i pafuqishëm ta mbajë belgun

Dy skuadrat e mëdha arabe janë të etura të nënshkruajnë me De Bruynen dhe t’i ofrojnë atij pagën më të mirë që ka pasur në karrierën e tij.

Te City duan t’i vazhdojnë kontratën yllit të skuadrës, por nëse ai nuk pranon atëherë ata i kanë caktuar një çmim të largimit.

Lexo po ashtu Rio Ferdinand bën një pretendim të guximshëm, zgjedh mes De Bruynes dhe Beckham

Ndërsa Guardiola dhe City janë të etur për të mbajtur De Bruyne, ata kanë vendosur një çmim të lartë prej të paktën 100 milionë funteve nëse ndonjë klub dëshiron të sigurojë shërbimet e tij.

Mbetet për t’u parë nëse oferta e klubeve të Lindjes së Mesme është mjaft joshëse për të joshur De Bruyne të largohet nga kampioni në fuqi i Evropës. /Telegrafi/