“Nuk mund të qëndrojmë këtu”: Momenti kur një grua lut të dashurin të braktisin veturën, pasi po u afrohej me shpejtësi zjarri (Video)

Një video rrëqethëse e filmuar në Kaliforni shfaq momentin kur një grua e tmerruar nga frika i kërkon të dashurit ta braktisin veturën, pasi zjarri afër tyre kishte kapluar disa vetura dhe malin dhe ekzistonin gjasat e mëdha që ato të shpërthejnë.

Ajo dëgjohet duke e lutur të dashurin që të dalin nga vetura, pasi zjarri po afrohej me shpejtësi të madhe në drejtim të tyre, transmeton Telegrafi.

“Brandon duhet të dalim jashtë dhe të largohemi. Nuk mund të qëndrojmë brenda. Është duke u afruar shpejt zjarri, të lutem… zemër duhet të dalim”, thotë kjo grua që frikësohej për veten dhe partnerin.

Shumë vetura që ishin në po të njëjtën rrugë, shihen duke u munduar të kthehen që t’i shpëtojnë më të keqes, por ishte trafiku i bllokuar që ua pamundësonte një gjë të tillë.

Si pasojë e zjarrit dhjetëra kilometra të autostradës kryesore të Kalifornisë janë bllokuar, ndërkaq ekipet e zjarrfikësve janë duke bërë të pamundurën që ta lokalizojnë zjarrin. /Telegrafi/