Nuk keni nevojë për balsame të shtrenjta: Shikoni si ta zgjidhni problemin e buzëve të plasaritura

Buzët e plasaritura duken të shëmtuara dhe mund të jenë një shenjë e problemeve shëndetësore

A e dini që ka ilaçe natyrale dhe truke që mund t’ju ndihmojnë që ta zgjidhni këtë problem?

A ndikojnë në buzët tuaja ndryshimet e motit dhe ajri i ftohtë?

Ndonjëherë nuk mjafton që vetëm t’i lyeni buzët me melhem apo mbase melhemi nuk ju përshtatet. Prandaj ekzistojnë mënyra natyrale të ndryshme për t’i hequr ato plasaritje të tmerrshme të buzëve.

Kastraveci

E dini që mund t’i hidratoni fare mirë duke përdorur një kastravec? Mbajeni për 20 minuta (ose më pak nëse e keni me nxitim) dhe do të shihni buzë të rigjeneruara dhe më të puthshme.

Kripë dhe ujë

Përzieni dy lugë kripë në ujë të ngrohtë dhe lëreni të shpërbëhet. Njomni një copë tek uji dhe ngrohtë dhe vendoseni mbi buzë për 20 minuta. Do të largojë lëkurën e plasaritur dhe djegien që e shoqëron zakonisht.

Sheqer kaf dhe ujë

Miksojini bashkë dhe krijoni scrub-in ideal. Fërkoni buzët me përzierjen e krijuar derisa t’i ndjeni të buta dhe mishtore. Kjo do të largojë lëkurën e vdekur dhe nëse vendosni t’i lyeni me një shkëlqyes sipër, ngjyra natyrale do të duket fantastike!

Mjaltë dhe vaj ulliri

Këtë maskë mund ta mbani gjatë gjithë natës. Miksoni bashkë një sasi të vogël vaj ulliri dhe mjalti. Mjalti ka veti antibakteriale dhe shëruese, ndërsa vaji i ullirit do t’ju ndihmojë të hidratoheni. Aplikoni përzierjen në buzë para se të shkoni në krevat dhe në mëngjes buzët do të zgjoheni me buzë të buta dhe të lëmuara, si bebushe.

Çaji i gjelbër

I pasur në antioksidantë dhe minerale, çaji i gjelbër gjithashtu përmban polifenole të cilat reduktojnë inflamacionin. Zhysni një bustinë çaj jeshil në ujë të ngrohtë dhe masazhojeni tek buzët për t’i zbutur dhe larguar lëkurën e tepërt të thatë. Kjo teknikë është më e butë se sa eksfolimi i zakonshëm.

Vaj kokosi

Vendosni pak vaj kokosi të ngrohtë në buzë dhe kjo do të shërbejë si zbutësi ideal. Mund ta bëni këtë disa herë gjatë ditës për t’i mbajtur buzët të hidratuara, do t’i japë shkëlqim dhe partneri juaj s’do ta ketë aspak problem, sepse kokosi mban aromë të mrekullueshme.

Aloe vera

Aloe vera ndihmon në procesin e shërimit duke larguar edhe shenjat. Ajo gjithashtu largon qelizat e vdekura dhe favorizon shumimin e qelizave të shëndetshme. Aloe vera njihet për aftësitë zbutëse që prej shekujsh. Prini disa degë, merrni xhelin ruajeni në një kuti kremi hermetik dhe ruajeni në frigorifer. Çdo ditë aplikoni tek buzët dhe rezultati do ju lë pa fjalë.

Petale trëndafili dhe qumësht

Petalet e trëndafilit janë ushqyese sepse përmbajnë vitaminën E. Nga ana tjetër acidi laktik i qumështit largon cipën e trashë ndërsa yndyrat e saj e hidratojnë lëkurën e re. Gjithçka që duhet të bëni është përzierja e petaleve të trëndafilit me qumësht dhe lënia në qetësi për gati dy deri tre orë. Pasi t’i keni lënë të zbuten, shtypini petalet në qumësht derisa të krijohet një trashësi brumi. Këtë të fundit aplikojeni tek buzët për gati 20 minuta më pas shpëlajeni.

/Telegrafi/