Përzgjedhësi i Kosovës U19, Adil Maliqi, ka thënë se djelmoshat që ai drejtojnë e merituan fitoren përkundër paraqitjes që bënë.
Maliqi e pranoi se në fitoren 1-0 ndaj Austrisë, vendasit kishin më shumë raste për të shënuar, por qëllimi i Kosovës ishin tri pikët.
“Jam shumë i lumtur për fitoren unë stafi dhe të gjithë futbollistët, e kemi merituar këtë fitore sepse kemi luajtur me pasion dhe me zemër”.
“Nuk isha shumë i kënaqur me performancën por kjo vjen si pasoj e vetëm një stërvitjeje të zhvilluar. Pres që kundër Spanjës performanca do të jetë shumë më e mirë se ajo ndaj Austrisë”.
“E rëndësishme është se ne i sollëm tre pikë në shtëpi. Mendoj se e merituam fitoren pavarësisht se Austria krijoi më shumë raste se sa ne. Ne dhamë gjithçka dhe e arritëm qëllimin” ka thënë përzgjedhësi Maliqi.
Aktualisht Kosova është lidere e grupit 1 aty ku bëjnë pjesë edhe Austria, Spanja dhe Sllovenia.
Më 23 mars, Dardanët do të ballafaqohen me Spanjën në stadiumin “TSC Trate Gornja Radgona” po ashtu nga ora 16:00. /Telegrafi/
