Nuk dëshironte që të mbetet vetëm, gruaja para vdekjes i kërkoi burrit ta gjej dashurinë e vjetër – pas 40 viteve u takuan sërish dhe u martuan  

Një burrë ka pranuar haptazi se gruaja e tij para se të ndërronte jetë, e kishte inkurajuar që ta “gjej ish-dashuriçkën e tij” që nuk e kishte parë për 40 vite, sepse nuk dëshironte që ai të mbetet i vetmuar – e tani dyshja janë ribashkuar dhe janë martuar.

Skocezi Bob McLaren, 69-vjeçe, për herë të parë u takua me DeeDee Zweibel, 72-vjeçe, në vitin 1974 me të cilën tani jeton në Los Angeles, kurse dyshja asokohe punonin në një anije si anëtarë të një bendi muzikor dhe si asistent të magjistarëve, transmeton Telegrafi.

E pavarësisht se besonin se ishin “shpirt binjakë”, dyshja humbën kontaktet pasi DeeDee refuzoi të vendoset në Skoci që të jetë pranë Bobit. Kështu edhe ai u martua me Helenin, me të cilën solli në jetë katër fëmijë.

Për fat të keq, Helen ndërroi jetë nga leukemia pas 31 viteve martesë. E nga frika se do të jetë i vetmuar, e inkurajoi ta gjej DeeDee, aktoren nga Los Angeles për të cilin ai shpesh fliste.

Duke folur për “This Morning”, DeeDee tha se “lidhja ishte ende e fortë” kur me Bobin u takua në vitin 2006 pas më shumë se 40 viteve që qëndruan të ndarë – por ata më 13 mars të vitit të kaluar u martuan. /Telegrafi/