Njëri e mban e tjerët e godasin në kokë, disa pretendojnë se kishte tentuar të përdhunojë një vajzë – policia në New York fillon hetimet

Një video që po qarkullon në rrjetet sociale nga vikendi i kaluar, shfaq një grup të burrave që rrahin një burrë me prejardhje aziatike në stacionin e metrosë në Manhattan të New Yorkut.

Videoja është filmuar përkatësisht në rrugën Fulton, ku shihet një burrë të cilin e mbante të lidhur me duar një person tjetër – e tjerët që kalonin e grushtonin, transmeton Telegrafi.

Madje një prej kalimtarëve të shumtë, e godet pandërprerë me shuplaka në fytyrë – e një tjetër me grushta në kokë.

https://twitter.com/grindfacetv_/status/1530286151856050176?ref_src=twsrc%5Etfw%7Ctwcamp%5Etweetembed%7Ctwterm%5E1530286151856050176%7Ctwgr%5E%7Ctwcon%5Es1_&ref_url=https%3A%2F%2Fnypost.com%2F2022%2F05%2F29%2Fnyc-video-shows-men-hold-down-and-beat-asian-man-in-manhattan-subway-station%2F

Ajo çfarë është më e tmerrshme është fakti se masa dëgjoheshin duke brohoritur e qeshur, me veprimet që i bënin kalimtarët.

Disa pretendojnë se ai ishte kapur duke tentuar ta përdhunojë një femër – madje ata që e godasin thonë se po e mbajnë derisa të shfaqet policia.

https://twitter.com/NYPDAsianHCTF/status/1531060507804897285?ref_src=twsrc%5Etfw%7Ctwcamp%5Etweetembed%7Ctwterm%5E1531060507804897285%7Ctwgr%5E%7Ctwcon%5Es1_&ref_url=https%3A%2F%2Fnypost.com%2F2022%2F05%2F29%2Fnyc-video-shows-men-hold-down-and-beat-asian-man-in-manhattan-subway-station%2F

Tjerët mendojnë se thjesht ishte një sulm me motive raciste – duke mos dhënë informacione tjera që mund të kenë çuar deri të ky sulm.

Policia ka njoftuar se po heton rastin, duke mos dhënë detaje nëse personat që e godasin po kërkohen nga autoritetet e rendit. /Telegrafi/