Njëherë i tha ‘Lojtar i Ligës së Dytë’, tani Roy Keane sërish me kritika të rënda për Haalandin

Ish-reprezentuesi irlandez Roy Keane ka vazhduar grindjen e tij mediatike me Erling Haalandin duke e krahasuar tani sulmuesin e Manchester City me një fëmijë të llastuar për reagimin e tij të zemëruar kur Pep Guardiola e zëvendësoi.

Përkatësisht, Haaland bëri një lojë të shkëlqyer kundër Wolverhampton dhe mori pjesë me katër gola në fitoren 5:1, ndërsa u zëvendësua në minutën e 82-të të ndeshjes, gjë që bëri që ai të reagojë ashpër.

“Ne e pamë reagimin e tij kur u zëvendësua, ai nuk ishte i lumtur. Si një fëmijë i llastuar. Është harruar sepse ai po shënon gola dhe City po fiton, por kjo nuk është e drejtë,” tha Keane.

Lexo po ashtu Roy Keane e godet rëndë Haalandin pas ndeshjes me Arsenalin: Si një lojtar i ligës së dytë

Legjenda e Manchester United ka disa kohë që kritikon publikisht Haaland, i cili ndonjëherë përgjigjet në të njëjtën mënyrë.

Keane më parë e përshkroi Haaland si një lojtar të ligës së dytë, megjithëse vitin e kaluar ai shënoi 52 gola në 53 ndeshje, dhe këtë vit ai shënoi 36 gola në 41 ndeshje.

Lexo po ashtu Pas Salah-Klopp, Erling Haaland konfrontohet me Pep Guardiolan

Megjithatë, ai vuri në dukje se Haaland shënoi vetëm një gol në gjashtë ndeshje kundër ekipeve nga pesë skuadrat më të mira të Ligës Premier.

“Loja e tij në përgjithësi është shumë e dobët. Para portës ai është më i miri në botë, por në përgjithësi është shumë keq. Loja e tij është në nivelin e një lojtari nga divizioni i dytë anglez”, tha javë më parë Keane. /Telegrafi/