Një video nga Spliti i Kroacisë është shpërndarë në rrjetet sociale në të cilën shihet një shofer i panjohur duke u përpjekur të parkojë një makinë në trotuar.

Sipas mediave kroate, përcjell Telegrafi, edhe pse është e qartë se bëhet fjalë për një hapësirë në të cilën një shoferi me përvojë do t’i nevojiteshin pak sekonda, këtij shoferi i nevojitej shumë më tepër.

Ai jo vetëm që u mundua për një kohë të gjatë për të “rregulluar” makinën, por ka mërzitur edhe pjesëmarrësit e tjerë të trafikut.

Megjithatë, kanë qenë banorët e pallateve aty pranë, të cilët filmonin me entuziazëm gjithçka, ata që me gjasë janë argëtuar me atë që kanë parë. /Telegrafi/