Një marrëveshje përrallore si e Neymarit: Zbulohen detajet tjera monetare të brazilianit me Al Hilal

Neymar  thuhet se do të paguhet mbi 500 mijë euro për çdo postim në Instagramin e tij që promovon Arabinë Saudite si pjesë e kontratës së tij mega-monetare me klubin e ri Al-Hilal.

Braziliani, i cili aktualisht luan për Paris Saint-Germain në Francë, pritet të nënshkruajë një kontratë dyvjeçare me klubin saudit dhe të bëhet emri i fundit i madh në futboll që do të transferohet në vendin e Gjirit.

Ai  iu nënshtrua testeve mjekësore të hënën, ndërsa është afër përfundimit të një lëvizjeje prej 85 milionë eurosh që Mail Sport e kupton se do t’i fitojë 150 milionë euro në vit.

Lexo po ashtu Si e kishte parashikuar saktë Gary Lineker atë që do të ndodhte me Neymarin në vitin 2017

Por, sipas gazetës franceze FootMercato, e përfshirë në atë shumë tërheqëse është një bonus prej 80,000 eurosh për çdo fitore që arrin ekipi me bazë në Riad, si dhe 500,000 euro për çdo postim ose storie që ai publikon në mediat sociale që promovon Arabinë Saudite.

Neymar aktualisht ka 62.5 milionë ndjekës në platformën e mediave sociale X dhe 212 milionë ndjekës në Instagram.

Kontrata e jashtëzakonshme përfshin gjithashtu një aeroplan privat me të cilin ai do të udhëtonte në të gjithë globin, si dhe një shtëpi luksoze për të dhe të dashurën Bruna Biancardi, e cila shoqërohet me një varg punëtorësh shtëpiak dhe staf mbështetës. /Telegrafi/