Nis procesi gjyqësor kundër ish-policit, Derek Chauvin që dyshohet për vrasjen e George Floyd

Gjyqi i paralajmëruar prej kohësh ndaj ish-oficerit të policisë amerikane, Derek Chauvin, i cili mori pjesë në arrestimin e George Floydt në maj të vitit 2020, filloi sot në një gjykatë në Minneapolis me fjalët hyrëse të mbrojtjes dhe prokurorisë.

Chauvin, i cili mori pjesë në arrestimin e George Floyd në maj të vitit 2020 dhe akuzohet për vrasje të shkallës së dytë, u deklarua i pafajshëm më herët në gjyq për vdekjen e një afro-amerikan.

Lexo po ashtu Mineapolisi ia paguan 27 milionë dollarë dëmshpërblim familjes së të ndjerit George Floyd, afro-amerikanit që u mbyt nga një polic

Sipas CNN-së, nëse provohet se veprimet e Chauvin, të cilat akuzohen në gjykatë, çuan në vdekjen e George Floyd, këtij ish-oficeri i policisë mund të përballet me 40 vjet burg, transmeton Telegrafi.

Para fillimit të gjykimit, miqtë dhe familja e të ndjerit Floyd u mblodhën para gjykatës dhe avokati i familjes tha se të gjithë po kalonin një periudhë të vështirë, por që ata arritën në gjyqin e sotëm për drejtësinë përfundimtare, raporton cnn.

Prokurori gjithashtu deklaroi se një numër i oficerëve të policisë do të thirren gjatë procedurave për të dëshmuar në këtë rast, dhe se kalimtarët e rastit që ndodhën në vendin e ngjarjes atë ditë do të jenë të pranishëm në gjyq.

Avokati i Chauvin Eric Nelson theksoi në deklaratën e tij të parë se gjykata duhet të udhëhiqet nga arsyeja, jo nga emocionet në këtë çështje. Gjithashtu, Nelson tha se kjo çështje kërkonte leximin e disa mijëra dokumenteve. Avokati theksoi në hyrje se Chauvin e bëri punën e tij brenda juridiksionit që ai ka.

Lexo po ashtu Lirohet polici që i shkaktoi vdekjen George Floydit, pagoi një milion dollarë si kaucion

Kujtojmë se pas arrestimit të afro-amerikanit, George Floyd, mjekët në Minneapolis e shpallën atë të vdekur, pas së cilës ata filluan të raportonin se ishin veprimet e oficerëve të policisë gjatë arrestimit që çuan në vdekjen e Floyd.

Pas publikimit të videos, protesta të shumta filluan për të drejtat e afrikano-amerikanëve në të gjithë Shtetet e Bashkuara dhe Evropën, dhe protestat i dhanë lëvizjen “Black Lives Matter”, e cila përfundimisht fitoi gjithnjë e më shumë mbështetës në Shtetet e Bashkuara. /Telegrafi/