Nikollovski: LSDM flet marrëzi për shumicën për ndryshimet kushtetuese

“Këtë periudhë vitin e kaluar u nënshkrua ai propozim i turpshëm francez, që në thelb është një propozim bullgar. Dhe vitin e kaluar në këtë kohë është marrë përkushtimi për Kushtetutën, si dhe për gjëra të tjera që kanë të bëjnë me ndryshimin e teksteve shkollore, që kanë të bëjnë me ndryshimin e të kuptuarit tonë për historinë tonë, rëndësinë e shtetit maqedonas, të cilat në fakt qartë i ka theksuar presidenti i Bullgarisë Rumen Radev në letrën e fundit drejtuar liderëve evropianë ku thotë se nuk mjafton vetëm ndryshimi i Kushtetutës, por kemi edhe kërkesa të tjera ndaj Maqedonisë”.

Këtë e tha Aleksandar Nikoloski, nënkryetar i OBRM-PDUKM për TV Alfa. Nikoloski shtoi se “LSDM flet marrëzi” kur thonë se kanë shumicë për amendamentet kushtetuese, sepse po ta kishin deri më tani do t’i kishin futur në rend dite të seancës parlamentare për votim 10 herë.

“Nëse do të kishte shumicë prej dy të tretash në Kuvend, do ta kishin votuar 10 herë këtë vit dhe do ta kishin votuar. Dëshmia më e mirë që po flasin marrëzi, nuk ka fjalë tjetër dhe se po e përdorin temën për t’u defokusuar nga krimi i tyre dhe për të qëndruar një ditë më gjatë në pushtet”, tha Nikollovski.

Nikoloski edhe një herë theksoi se për OBRM-PDUKM-në ndryshimet kushtetuese nën diktimin bullgar janë temë e mbyllur dhe tha se nuk do të votojë asnjë deputet i tyre./Telegrafi/