Nicole Scherzinger kritikohet ashpër nga Simon Cowell, neglizhoi detyrën për performancën e saj (Foto/Video)

Spektakli i famshëm i talenteve “X Factor UK”, mbajti javën e tretë të transmetimit të tij televiziv.

Një natë plot surpriza është cilësuar ajo e mbrëmshmja, teksa mbresa te publiku ka lënë performanca e Nicole Scherzinger, e cila bëri hapjen e spektaklit me një kolazh këngësh të saj.

Por, mësohet se këngëtarja është kritikuar nga producenti Simon Cowell se ka shkuar shumë larg me performancën e saj në “X Factor”.

Sipas tij ajo ka neglizhuar provat e spektaklit me talentet e reja, të cilat janë të detyrueshme për të, përdersa është një anëtare jurie, dhe i është përkushtuar më shumë performancës saj nga ana vizuale në skenë.

Por Nicole u përgjigj me mënyrën e saj duke thënë se e ajo e kishte kuptuar se do të këndonte të enjten: “Ti duhet të qetësohesh zotëri, unë e kuptova të enjten që do të performoj”, kishte thënë Nicole.

Përndryshe, interpretimi dhe performanca e këngëtares janë cilësuar si magjike në skenën e “X Factor”. /Telegrafi/

Performanca fantastike e Nicole Scherzinger në mbrëmjen e “X Factor”