Një ekip studiuesish japonezë fituan së fundmi Çmimin satirik Nobel të nivelit të lartë për një studim që tregoi se pikturimi i lopëve me vija të bardha si zebra i mbron ato në mënyrë të konsiderueshme nga mizat.
Çmimi Nobel i nivelit të lartë është një çmim satirik i krijuar për të "nderuar arritjet që së pari i bëjnë njerëzit të qeshin dhe pastaj i bëjnë të mendojnë".
Por, ndërsa mund të ngatërrohet me një parodi qesharake, marrja e një Çmimi Nobel të nivelit të lartë kërkon punë të vërtetë shkencore.
Për shembull, këtë vit, një çmim i shkoi një ekipi japonez studiuesish nga Qendra e Kërkimeve Bujqësore Aichi, të cilët kryen një eksperiment të çuditshëm që tregoi se si vijat e ngjashme me zebrat e pikturuara te lopët, mund t'i mbronin ato nga mizat “që kafshojnë”.
Studiuesit vunë re një ulje të mizave që kafshojnë deri në 50% te kafshët që u janë dhënë vija të bardha krahasuar me ato që u janë dhënë vija të zeza ose që nuk janë pikturuar fare.
Mizat kafshuese janë disa nga dëmtuesit më të dëmshëm për bagëtinë, duke ndikuar rëndë në kullotje dhe ushqyerje, dhe duke shkaktuar stres të konsiderueshëm.
Kjo rezulton në uljen e shtimit në peshë të bagëtive për mish dhe rendimentit të qumështit të lopëve qumështore.
Fermerët mbështeten në insekticide për të mbrojtur bagëtinë e tyre, por kjo rrit rrezikun e mizave rezistente ndaj insekticideve dhe mishit dhe qumështit të kontaminuar.
Për fat të mirë, disa vija të pikturuara mund të ndihmojnë në uljen e varësisë nga insekticidet kimike. /Telegrafi/
