Nga të bardhë në të verdhë, arsyeja domethënëse e cila ndikoi që kampionati i tenisit ta ndryshoj ngjyrën e topit

Kampionati prestigjioz i tenisit Wimbledon në vitin 1986 iu nënshtrua një ndryshimi të vogël, por domethënës.

Nga topat klasikë të bardhë kampionati filloi përdorimin e topave të verdhë, në një përpjekje për ta bërë audiencën televizive t’i shohë topat më qartë.

Bëhet e ditur se tradicionalisht topat e tenisit kanë qenë të bardhë ose të zi, përcjell Telegrafi.

Megjithatë, me shpikjen e televizorit me ngjyra dhe popullaritetin në rritje të lojës në fund të viteve 1960, transmetuesit menduan se ishte e nevojshme ta bënin lojën më tërheqëse.

Në kryesimin e kësaj lëvizjeje ndihmoi një figurë kryesore në transmetimet britanike, David Attenborough.

Ndërsa punonte në BBC, Attenborough vuri në dukje se sa e vështirë ishte për shikuesit të vërenin topin e bardhë të tenisit duke lëvizur nëpër fushë.

Kjo ndikoi që Federata Ndërkombëtare e Tenisit (ITF) të bënte kërkime dhe të zbulonte se topat e verdhë e përmirësonin shikimin në ekranet televizive.

Në vitin 1972, ITF zyrtarisht kërkoi një kalim në topa të verdhë ose të bardhë me të dy tiparet uniforme të sipërfaqes.

Megjithatë, Wimbledon vazhdoi me topa të bardhë deri në vitin 1986 përpara se më në fund të shkonte në versionin e verdhë, veprim me të cilin u pajtuan miliona tifozë në mbarë botën.

Ndryshe, Kampionati Wimbledon i vitit 2024 filloi më 1 korrik dhe do të zgjasë dy javë.

Finalja në dyshe për meshkuj dhe femra do të zhvillohet më 14 korrik, për të shënuar përfundimin e garës. /Telegrafi/