Nga një i pastrehë në artistin viral – Historia interesante e G4shit

Labinot “Larry” Gashi, të cilin e njohim me emrin e tij skenik, GASHI, ishte në rrugë vetëm disa vjet më parë, por jeta e tij mori një kthesë pasi ai u frymëzua kur pa një billboard të mikut të tij, ASAP Rocky, gjersa po shëtiste në Rrugën East Houston në New York.

“Shikova lart dhe pashë fytyrën e tij në një billboard, dhe ishte dikush që e njihja para se të bëhej i famshëm, dhe unë mendoj se ai më motivoi. Unë e përdor si një shembull. Nëse ai mund ta bënte atë, pse nuk mund ta bëja unë?”, ka thënë G4shi në një intervistë ekskluzive për Hollywood Life.

G4shi nënshkroi kontratë me Jay Z dhe RCA – vite pasi Jay në fakt hodhi në plehra një CD që Gashi i dha gjatë një takimi.

Më 20 shtator, reperi lëshoi albumin e tij të parë, të cilin e kishte filluar të punonte kur ishte i pa strehë në rrugët e New York – tani, ai mban një orë prej 250,000 dollarësh në dorë.

“Gjërat kanë ndryshuar, dhe unë jetoj një jetë krejtësisht ndryshe. Çdo gjë që kam kërkuar ndonjëherë po ndodh ngadalë, por unë jam i përgatitur për të sepse e kam pritur për 10 vjet”, ka thënë ai.

Albumi i parë i kishte marrë shumë kohë sepse kështu deshi artisti, pasi sipas tij kjo është përshtypja e parë që cakton se si njerëzit do të të shohin më tutje.

https://www.instagram.com/p/B2602sPldlQ/

Ai shtoi se frymëzimet e tij gjithashtu variojnë nga Bono tek Lil Peep e deri te Lana Del Ray. “Ka frymëzim kudo. Unë mendoj se jam plot dashuri dhe nuk kam dëshirë të tregoj gjëra që i urrej. Dua të tregoj gjëra që më pëlqejnë, ”zbuloi artisti i hitit ‘My Year'”.

“S’ është kaq e thjeshtë të thuash që nuk të pëlqen diçka, unë mendoj se është vanilla, unë mendoj se është shumë e thjeshtë. Ka frymëzim kudo. Disa njerëz duhet të ngrenë kokën dhe ta mbajnë kokën lart”, spjegon mes tjerash 28-vjeçari. /Telegrafi/