Nga Muhaxhiri te Gallapeni, Khomutov e Adetunji – formacioni më i mirë i xhiros së 13-të në Albi Mall Superligën e Kosovës

Në tri ditët e fundit janë zhvilluar ndeshjet e javës së 13-të në Superligën e Kosovës, ku nuk munguan përballjet e forta, befasitë e mëdha dhe golat në minutat e fundit.

Gjilani luajti baras në shtëpi më Suharekën me rezultat 1-1, ndërsa Dukagjini mori një fitore të madhe ndaj Feronikelit 74 me nëntë lojtarët duke marr tri pikë në fund.

Llapi dhe Prishtina luajtën baras me rezultat 1-1, ndërsa Drita mori tri pikë të mëdha ndaj Ferizajt si mysafir me fitoren 2-1.

Ballkani fitoi në shtëpi ndaj Malishevës me rezultat 1-0, duke iu bashkuar Dritës në krye.

Redaksia e Telegrafi Sport ka zgjedhur formacionin e javës së 13-të në Superligën e Kosovës.

Portier

I abonuari në javët e fundit, Altik Muhaxhiri, zhvilloi një ndeshje të madhe ndaj Feronikelit, ku përveç se priti penalltinë, ai bëri disa pritje edhe në minutat e fundit.

Këto pritje ia mundësuan ekipit të merrte tre pikët e radhës duke e qetësuar në mesin e renditjes.

Mbrojtja

Mbrojtja vjen më katër lojtarë, të cilët në xhirot e fundit kanë kapur fuqishëm formën.

Në të djathtë është Besnik Krasniqi, i cili përveç se ktheu në gol një penallti, bëri një paraqitje shumë të mirë në krahë.

Në qendër janë Egzon Bejtullai që i solli fitoren Dritës me golin me kokë, ndërsa edhe në fazën defanzive ishte stabil. Në krahë me të është Bajram Jashanica që me paraqitjen e tij ishte vendimtar në fitoren e Ballkanit.

Në të majtë është një nga lojtarët më në formë të Prishtinës, Dion Gallapeni, i cili luajti 90 minuta si një ‘violinë’, ndërsa në momentet e fundit asistoi te goli i barazimit.

Mesfusha

Në dy ndeshjet e fundit, Ardian Limanin po e shohim në një pozitë të re, në mesfushë, ndërsa ai ndaj Llapit arriti të shënojë për t’i sjell Prishtinës një pikë.

Me të në krahë është Ergyn Ahmeti, i cili ishte individi më i dalluar i Llapit në përballjen ndaj Prishtinës (1-1).

Në të djathtë është Vlad Khomutov i Dukagjinit, i cili ka kapur fuqishëm formën në përballjet e fundit, ndërsa ndaj Foronikelit 74-të asistoi një perlë për Vitor Hugon që shënoi në kohën shtesë.

Në të majtë është Nikola Stijepovic i Suharekës, i cili luajti jashtë pozitës së tij, por bëri paraqitje të shkëlqyer që u vulos edhe më një gol.

Sulmi

Në krye të formacionit kemi dy lojtarë vendimtarë në këtë javë, që sollën pikë për ekipet e tyre.

Sunday Adetunji me golin e tij të shënuar sot, ia solli tri pikë Ballkanit ndaj Malishevës në derbin për kreun e renditjes.

Senad Jarovic, vazhdon të mbetet lojtari kryesor i Gjilanit, i cili po ashtu me golin e shënuar i solli një pikë Gjilanit.

Trajneri

Pa dyshim që kjo pozitë shkon për trajnerin e Dukagjinit, Ismet Munishin, i cili mori fitore ndaj Feronikelit 74 edhe pse kishte në fushë vetëm nëntë lojtarë.

Tri pikë të mëdha që e vendosin skuadrën e tij në një pozitë komode, ndërsa në pesë ndeshjet e fundit ka tri fitore dhe dy barazime./Telegrafi/

View this post on Instagram

A post shared by Telegrafi Sport (@telegrafisport)