Kërkesat për t’u furnizuar me marihuanë në SHBA janë rritur, kjo për faktin se qytetarët do të detyrohen të mbyllen nëpër shtëpitë e tyre për të parandaluar përhapjen e coronavirusit.

Kompanitë që merren me shitjen e kanabisit këtë javë kanë shënuar rritje në shitje, sepse konsumuesit janë duke u munduar të kenë rezerva gjatë periudhës sa qëndrojnë të mbyllur dyqanet në tërë SHBA-të, transmeton Telegrafi.

Sipas raportit të javës së kaluar, në Kaliforni dhe Washington shitja e marihuanës është rritur për më shumë se 50 për qind, kurse pritet të ketë rritje të shitjes edhe në vendet e tjera të SHBA-ve.

Në Kaliforni dhe New York dyqanet me kanabis janë mbyllur, sikurse shumë lokale që nuk konsiderohen si nevojë urgjente për qytetarët. /Telegrafi/