Netanyahu raportohet se ia ka tërhequr vërejtjen ministrit ekstrem të djathtë

Ministrit të ekstremit të djathtë izraelit i është tërhequr vërejtja pasi e quajti sulmin ndaj Iranit ‘të çalë’.

Ministri i sigurisë kombëtare i Izraelit, Itamar Ben Gvir, e ka vlerësuar të dobët sulmin e vendit të tij ndaj shtetit iranian.

Channel 12 tani po raporton se një njeri i besuar i kryeministrit izraelit, Benjamin Netanyahu kontaktoi politikanin e ekstremit të djathtë për t’i thënë se ai po dëmtonte sigurinë kombëtare të Izraelit.

Lexo po ashtu Ministri ekstremist izraelit e përshkruan me një fjalë sulmin e Izraelit ndaj Iranit

Megjithatë, rrjeti shtoi se ai nuk ka gjasa të përballet me pasoja të mëtejshme pasi kreu i qeverisë mbështetet tek ai për të mbetur në pushtet, raporton skynews.

Ben Gvir është në mesin e forcave të vijës së ashpër izraelite që kërkon një përgjigje më të ashpër ndaj Iranit dhe masa më brutale në Gaza.

Kryeministri izraelit mbetet në një situatë të vështirë pasi po përballet me thirrjet për de-përshkallëzimin nga aleatët perëndimorë, por ai gjithashtu duhet të qetësojë palët e vijës së ashpër brenda qeverisë për të qëndruar në pushtet.

Ndryshe, Izraeli kreu sot sulme ndaj Iranit pasi ky i fundit kishte lëshuar disa dronë dhe raketa në drejtim të Tel Avivit. /Telegrafi/