Mos u frikësoni nëse hasni në kërmij të këtillë në shtëpinë tuaj. Nuk janë të tmerrshëm dhe as të rrezikshëm, por kanë pamje e gërditshme.
Këta kërmij të mëdhenj vetëm duken të tmerrshëm dhe të shëmtuar, mirëpo në të vërtetë janë si cilido kërmill i zakonshëm, transmeton Telegrafi.
Emrin e kanë marrë sipas trekëndëshave ngjyrë të kuqe, të cilët rrethojnë vrimën e frymëmarrjes. 
Këta kërmij mund të rriten edhe deri në 15 cm, por po ashtu mund të jenë ngjyrash të ndryshme. 
Shkencëtarët po përpiqen të zbulojnë se a tregojnë ngjyrat e ndryshme edhe lloje të ndryshme. 
Të ashtuquajturit brirët e kërmijve, nuk janë gjithherë të dukshëm, por kur shihen duken tepër të çuditshëm. 
Derisa shumica e kërmijve hanë fletët e vyshkura në kopshte, ky lloj është i ndryshëm dhe ha myk dhe alga. 
Shfaqja e këtyre kërmijve në shtëpi zakonisht ndodh për shkak të problemeve që keni me mykun në shtëpi. 
Shikoni sa është interesante kjo krijesë. 
Ky lloj i kërmijve mund të gjendet gjithandej. Në kopshte, në male, si edhe në qytete e banesa. /Telegrafi/
