Neelam Gill hedh poshtë aludimet për një lidhje me Leonardo DiCaprion

Neelam Gill i ka adresuar thashethemet se ajo dhe Leonardo DiCaprio janë të përfshirë në mënyrë romantike.

“Thjesht për të pastruar çdo thashethem… Unë nuk jam ‘flaka e re’ e Leonardo DiCaprios”, sqaroi modelja britanike, 28 vjeçe, në një postim në InstaStory.

“Në fakt, unë jam në një marrëdhënie të përkushtuar me mikun e tij të mirë dhe jemi prej shumë muajsh tashmë”.

Gill së fundmi nxiti spekulime se ajo kishte qenë në lidhje me DiCaprio, 48 vjeç, sepse ata u panë duke u shoqëruar në disa raste.

Lexo po ashtu Leonardo DiCaprio fotografohet sërish me modelen Neelam Gill në jaht, shtohen dyshimet për një lidhje të re

Ata janë fotografuar në një jaht në Sardenja të Italisë të premten dhe janë parë sërish së bashku në Saint Tropez javën e kaluar.

Muajin e kaluar, ajo doli edhe për darkë në Paris me yllin e “Titanic” dhe mikun e tij më të mirë, Tobey McGuire.

Në maj, Gill dhe DiCaprio u panë përsëri duke shijuar një vakt të këndshëm së bashku në një restorant.

Në atë kohë, ata u bashkuan nga nëna e yllit të filmit, Irmelin Indenbirken, në pikën e Londrës, Chiltern Firehouse.

Megjithatë, burimet thane për Page Six edhe atëherë se Gill dhe DiCaprio nuk po takoheshin, duke vënë në dukje se ajo po shihte një nga miqtë e tij, i cili gjithashtu mori pjesë në darkë.

Leo këtë periudhë ka qenë duke u komentuar edhe për një lidhje dashurie me modelen Gigi Hadid. /Telegrafi/