Në mes të verës, apartamentet në Ohër gjysmë të zbrazët

Në mes të korrikut në Ohër, kapacitetet private të akomodimit janë gjysmë të mbushura. Nga sektori i turizmit thonë se rrjedha aktuale e sezonit turistik është shumë më poshtë pritjeve. Kliment Naumov udhërrëfyes turistik thotë se kjo periudhë e sezonit në krahasim me të njëjtin periudhë të vitit të kaluar dhe dy vjet më parë është shumë më e dobët.

“Rezultate të papritura të dobëta sa i përket ardhjes së turistëve. Thjesht, të hapim rezervimin që nuk duhet të jetë një pikë referimi, do të shihni se krahasuar me vitin e kaluar, nëse në këtë kohë nuk mund të gjenit akomodim për muajin gusht dhe para vitit të kaluar, tani 50% e kapaciteteve janë të pa-prenotuar”, tha Kliment Naumov, udhërrëfyes turistik

Disa nga arsyet për rrjedhën e keqe të sezonit turistik janë moti i ndryshueshëm, infrastruktura e keqe rrugore që çon për në Ohër dhe numri i vogël i lidhjeve të operatorëve lokalë me ata të huaj.

“Ka më pak turistë turq duke pasur parasysh se ata kanë një krizë më të madhe në Turqi dhe një zhvlerësim të lirës. Ka një zvogëlim nga ana e tyre. Për turistët holandezë, numri qëndron në të njëjtin nivel. Dhe te turistët polakë ka një rënie nga viti i kaluar …”, theksoi Kërste Blazheski – Kryetar i Hotam

Ankohen edhe shoferët lokalë të taksive që presin me padurim sezonin turistik, sepse është periudha kur ata mund të fitojnë pak më shumë. Nga sektori i turizmit shpresojnë se situata do të përmirësohet falë turistëve vendas, të cilët duhet të fillojë të vijnë në një numër më të madh në gusht./Alsat/