‘Në afat sa më të shpejtë të paguhen obligimet tatimore për tatim personal të të ardhurave’

Nëse qytetarët e Maqedonisë nuk e kanë kryer pagesën e obligimeve të konfirmuara tatimore për tatim personal të të ardhurave për vitin 2015 dhe për vitet paraprake në bazë të Fletëparaqitjes tatimore vjetore ose për vitin 2016 në bazë të Fletëparaqitjes tatimore Akontative, që këtë ta bëjnë në afat më të shpejtë të jetë e mundur, porosisin nga Drejtoria e të Ardhurave Publike (DAP), përcjell Telegrafi Maqedoni nga AIM.

‘Qytetarët të mund të bëjnë kontroll të gjendjes së borxheve për tatim personal përmes internetit duke e shfrytëzuar shërbimin ‘e-Pagesë të tatimit personal’. Regjistrimi për shfrytëzimin e këtij shërbimi është falas për qytetarët. E vetmja ju që duhet është e-posta dhe të krijoni profilin tuaj të shfrytëzuesit në http://etax-fl.ujp.gov.mk/ . Për më shumë informacioni shkarkoni flaerin ‘e-pagesë e tatimit personal’ (kliko http://www.ujp.gov.mk/mk/publikacii/pregled), thonë nga DAP.

Nëse qytetari në baza të ndryshme ka nevojë t’i jepet Vërtetim për konfirmimin e tatimit personal, mund të parashtrojë kërkesë për transkriptim (DAP-PR-3.2-16/1). Informacione shtesë mund të merren përmes Info qendrës: 0800 33 000. /Telegrafi/