I ndihmuar edhe nga erërat e forta, shoku i Xherdan Shaqirit shënon gol spektakolar nga gjysma e fushës

Chicago Fire ka marrë një fitore spektakolare ndaj CF Montreal me rezultat të ngushtë 4-3.

Në fakt ka qenë fitorja e parë këtë edicion e Chicagos në MLS dhe ka ardhur me një rikthim të pabesueshëm.

Skuadra e Xherdan Shaqirit i cili luajti 69 minuta në këtë takim ishte duke humbur 1-3, por në 10 minutat e fundit të ndeshjes riktheu gjithçka dhe morën tre pikët.

Gutierrez realizoi për 2-3 në minutën e 84-të, para se Cuypers të barazoi shifrat në 3-3 në minutën e pestë shtesë.

THAT'S WHY THEY CALL IT THE WINDY CITY

Stoppage-time scenes in Chicago! 🤯 pic.twitter.com/8vZQppXIHL

— Major League Soccer (@MLS) March 16, 2024

Por goli i fitores ka qenë i jashtëzakonshëm dhe natyrisht shumë i çuditshëm pasi u shënua nga gjysma e fushës.

Kellyn Acosta tentoi të dërgonte topin në zonën e kundërshtarëve nga gjysma e fushës, por i ndihmuar edhe nga era topi paraboloi edhe portierin mysafir dhe përfundoi në portë duke u realizuar një gol spektakolar për t’i dhënë fitoren Chicagos 4-3.

Goli i Acostas është bërë viral në rrjetet sociale, pasi mesfushori amerikan për atë gol duhet t’i falënderohet edhe erërave të forta që ishin të pranishme në Chicago. /Telegrafi/