Ndihmës trajneri i Malit të Zi tregon se si mund të dominohen nga “Dardanët”

Mali i Zi do të jetë nikoqir i Kosovës në kuadër të kualifikimeve të kampionatit evropian të vitit 2020.

Tashmë përfaqësuesja jonë ka arritur në kryeqytetin malazez, Podgoricë, ku gjatë ditës së sotme do të zhvillojë një ndeshje stërvitore.

Para takimit ka folur një prej ndihmës trajnerët e ekipit fqinj, Dragoje Lekovic, i cili ka pohuar se i di përparësitë e skuadrës mysafire.

“Ne jemi duke u përgatitur për ndeshjen, kemi analizuar kundërshtarët. I dimë mirë se cilat janë anët tona të mira, por i dimë edhe cilësitë e tyre. Gjithashtu i kemi analizuar dobësitë e tyre dhe do të përpiqemi t’i shfrytëzojmë ato”, tha Lekovic.

Kosova është e rrezikshme, por ai ka besim në fitoren e të besuarve të tyre, ku kapiten do të jetë sulmuesi pejan, Fatos Beqiraj.

“Ata janë të mirë, por nuk besoj se do të na paraqesin problem nëse e luajmë lojën tonë. Megjithatë, një rënie në përqendrim, një moment neglizhimi, një vlerësim i dobët, mund të na dominojnë”, tha Lekovic.

Lexo po ashtu Malazezët kanë analizuar në detaje "Dardanët", tregojnë se cilat janë pikat e forta të Kosovës

Lexo po ashtu Fatos Beqiraj: Familja ime është në Kosovë, por unë e shikoj nga ana sportive dhe dua të fitoj me Malin e Zi

Ndryshe, ndeshja mes këtyre dyja skuadrave do të zhvillohet gjatë ditës së nesërme (e premte), me fillim në ora 20:45. /Telegrafi/