Ndeshja ndaj Shqipërisë i sjell shumë kritika Tuchelit, refuzoi t’i plotësonte dy dëshirat e anglezëve

Trajneri i Anglisë, Thomas Tuchel ka zbuluar pse nuk veshi një kostum në vijën e lojës gjatë ndeshjes së tij të parë në krye kundër Shqipërisë të premten mbrëma.

Tuchel, i cili u emërua si zëvendësuesi i Gareth Southgate në tetor 2024, kishte deklaruar më parë se ai preferon një veshje më të relaksuar gjatë ndeshjeve, duke e lejuar atë të ketë “pak më shumë liri për të lëvizur”.

Përveç kësaj, Tuchel zgjodhi gjithashtu të mos këndojë himnin kombëtar, “God save The King”, para ndeshjes.

Trajneri gjerman kishte shpjeguar më herët se dëshiron të fitojë të drejtën për të kënduar himnin, duke treguar se është ende në proces për të provuar veten si trajner i Anglisë.

Lexo po ashtu Tuchel godet dy lojtarë të Anglisë për paraqitjen e tyre ndaj Shqipërisë

Komentet e Tuchel vijnë pasi ai u përball me një reagim të përzier nga fansat dhe ekspertët pas emërimit të tij si trajner i Anglisë.

Ish-trajneri i Borussia Dortmund, Chelsea dhe Bayern Munich pranoi se duhet të provojë veten për të fituar ndaj skeptikëve.

Ndeshja e radhës e Anglisë është kundër Letonisë në Wembley të hënën. /Telegrafi/