Ndërpritet ndeshja Rahoveci-Prishtina, një tifoz futet në fushë dhe sulmon Edmond Azemin

Është ndërprerë ndeshja e katërt finale në mes të Rahovecit dhe Prishtinës.

Rahoveci ishte nikoqir i Prishtinës në ndeshjen e katërt finale të Play-Offit, kur seria e ndeshjeve ishte me rezultat 2-1 në të mirë të kryeqytetasve.

Palestra e vendasve “Mizahir Isma” ishte e stërmbushur në përkrahje të ekipit të Rahovecit me shpresë që serie e rezultatit do të barazohej.

Megjithatë, nuk ka shkuar gjithçka mirë pasi ndeshja është në ndërprerë në pak para përfundimit të çerekut të tretë.

Deri të ndërprerja erdhi pas një incidenti të tmerrshëm që ndodhi në fushën e lojës.

E tërë kjo tollovi u shkaktua pas një fauli në Azemin, i cili ishte i pa kënaqur. Më pas situata eskaloi.

Një tifoz hyn në fushë dhe e sulmoi kapitenin e Prishtinës, Edmond Azemi. Ai tifoz erdhi nga tribuna VIP dhe jo pjesa e ‘Vreshtarëve’.

Gjuajtjet me gjësende nuk janë ndalur, që ka bërë që gjyqtarët ta ndërprenë ndeshjen.

Pas këtij incidenti është dhënë urdhër që salla të zbrazet, ndërsa nuk dihet nëse ndeshja do të vazhdoj apo jo.

Deri në këtë moment rezultati ishte 71-52 në të mirë të Prishtinës. /Telegrafi/