Ndërprerjet e ndeshjeve dhanë frytet e tyre, tifozët në Gjermani festojnë fitoren ndaj Federatës

Për javë të tëra, tifozët në Gjermani kanë protestuar në ndeshjet e futbollit kundër planeve të Shoqatës Gjermane të Futbollit (DFB) dhe Ligës Gjermane të Futbollit (DFL) për të lejuar investitorët të hyjnë në Bundesligë.

Plani ishte të mundësonte hyrjen e investitorëve të rinj në ligë për të gjeneruar të ardhura shtesë përmes lidhjes së një partneriteti strategjik me investitorë të jashtëm në fushën e marketingut.

Drejtuesit e futbollit gjerman kërkuan ndryshimin e statutit në këtë mënyrë, u fol edhe për privatizimin e klubeve, por kjo ide hasi në rezistencë të ashpër të tifozëve.

Lexo po ashtu Protesta unike ndaj Federatës së Futbollit, tifozët e Herthas ndërprenë ndeshjen derbi duke e mbushur fushën me topa tenisi

Që nga fillimi i gjysmës së dytë të sezonit, tifozët kanë shkaktuar ndërprerje pothuajse në çdo ndeshje duke hedhur në fushë topa tenisi, çokollate në formë monedhe dhe objekte të ndryshme, dhe disa kanë përdorur makina me telekomandë për të dërguar bomba tymi në fushë.

Der geplante Investoren-Deal in der Bundesliga ist geplatzt. 🚨❌

Das hat das Präsidium der Deutschen Fußball Liga bei seiner außerordentlichen Sitzung in Frankfurt am Mittwoch beschlossen.#SkyBuli #DFL pic.twitter.com/vQf3x21xan

— Sky Sport (@SkySportDE) February 21, 2024

Në këtë mënyrë u ndërprenë dhjetëra ndeshje dhe sot u konfirmua se drejtuesit e Ligës Gjermane të Futbollit (DFL) hoqën dorë nga ideja që donin të mundësonin privatizimin.

Kështu tifozët arritën të fitojnë një fitore të madhe dhe tani po festojnë që i shpëtuan klubet e tyre nga privatizimi. /Telegrafi/