Nasser Al-Khelaifi e pranon: PSG mezi flet me Real Madridin, nuk do t’ju kujtoj se çfarë ndodhi…

Presidenti i Paris Saint-Germain, Nasser Al-Khelaifi, ka folur për ndeshjen e skuadrës së tij në Ligën e Kampionëve ndaj Real Madridit dhe ka thënë se të dy klubet nuk janë në një marrëdhënie të mirë.

Biznesmeni nga Katari ka drekuar të martën me homologun e tij madrilen Florentino Perez në Paris, por fjalët e tij tregojnë se situata nuk është aspak e zakonshme.

Çdo urë që ekzistonte mes klubeve është rrënuar pothuajse tërësisht shkaku i Kylian Mbappe, pasi klubi spanjoll po vazhdon ta ndjek në mënyrë agresive francezin.

“Nuk do ta fsheh, ne mezi kemi ndonjë marrëdhënie me Real Madridin”.

“Nuk do t’ju kujtoj se çfarë ndodhi… Unë besoj që futbolli duhet të jetë i arritshëm edhe për klubet e vogla; ata nuk mendojnë njësoj”, ka thënë Al-Khelaifi për ‘Canal Plus’ në Francë.

Al-Khelaifi foli gjithashtu për krenarinë e tij dhe atë ka arritur në Paris, por ai është i vetëdijshëm se ka ende shumë punë.

“Po, ne jemi krenarë për atë që kemi bërë [duke e ngritur PSG-në në nivelin e Real Madridit]”.

“Ne ende nuk i kemi arritur objektivat tona. Do të duhet kohë, ne e dimë këtë”, ka thënë ai. /Telegrafi/