Narkodilleri serb Golluboviq: Vuçiqit dhe partisë SNS nga fansat e mi i sjelli 30 mijë vota

Narkodilleri dhe personi që ka kaluar gjysmën e jetës së tij në burgje, Kristijan Golluboviq ka thënë se nga “fansat e tij” i sjell 30 mijë vota për Aleksandar Vuçiqin, përkatësisht për Partinë Progresiste Serbe (SNS), që drejtohet nga presidenti serb.

Ai në një televizion serb ka theksuar se fansat e tij janë të moshës 18 deri 25 vjeç.

“Në skenën politike të Serbisë, besoj se SNS-ja është gjëja e duhur për të gjithë. Asgjë nuk ka ndryshuar. Tani po e them publikisht, tashmë po mbledh rreth 20-30 mijë vota fansa të mi që janë nga mosha 18 deri në 25 vjeç”, është shprehur Golluboviq në një emision.

Samo da te pitam @avucic je li ovaj menja Belivuka na ulici pa okuplja fanove…#vunakico pic.twitter.com/FySrPk3uuJ

— Dragan Vidaković Mrki (@protivdictature) May 18, 2023

Sipas medieve serbe, duket se regjimi i Vuçiqit është në telashe pasi një kriminel i dënuar dhe një shpërndarës droge po i siguron vota, duke u promovuar në televizion.

Aty thuhet se ky kriminel në një vend normal nuk do të kishte as një sekondë hapësirë në medie, mirëpo në Serbi ky është një “ushtar” i partisë që agjiton për pushtet dhe se është “model për të rinjtë”.

Siç duket këta janë shtylla e mbijetesës së kësaj qeverie, prandaj janë aty ku janë. /Telegrafi/