Nainggolan i jashtëzakonshëm, bën tri asistime dhe shënon një gol fantastik – Cagliari në top katërshe

E dërgoi Interin në Ligën e Kampionëve sezonin e kaluar, por e larguan si asgjë hiq, duke thënë se nuk bënë për skemat e Contes.

Kërkoi rikthimin te Roma, por as Giallorosët nuk e deshën duke bërë që të zgjidhte rikthimin te Cagliari edhe pse mund të fitonte më shumë në Kinë ose Amerikë.

Radja Nainggolan po tregon se është njëri nga mesfushorët më të mirë që ka pasur Serie A në vitet e fundit. Në ndeshjen e fundit ndaj Fiorentinas, Cagliari ka shënuar një fitore të thellë 5-2, ku Nainggolan shkëlqeu.

Ylli belg bëri tre asistime, secili më i mirë se tjetri në golin e parë, të tretë dhe të katërt. Ndërkohë, në minutën e 65-të, Ninja dhuroi një magji duke shënuar një gol të jashtëzakonshëm nga distanca.

Falë formës së mrekullueshme të Ninjas, Cagliari i tij tani ndodhet në pozitën e tretë, pozitë që i dërgon në Ligën e Kampionëve.

Klubi nga Sardegnia ka grumbulluar 24 pikë pas 12 ndeshjeve duke lënë mbrapa skuadra të mëdha si Roma, Napoli, Lazio, Atalanta, Milan, Fiorentina e Torino.

Duke parë formën e jashtëzakonshme të Nainggolanit, sigurisht që Inter e Roma janë pishman që nuk e kanë ende në skuadër. /Telegrafi/

https://www.instagram.com/p/B4r-GjGnb7c/?igshid=1gp4vv460ui93