Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore

Besian Mustafa në emër të Grupit Parlamentar të Lidhjes Demokratike të Kosovës tha se Vetëvendosje po mundohet të thotë se janë të pa korruptuar, gjersa sipas tij, kryeshefi i KEK-ut, Nagip Krasniqi është arrestuar për korrupsion e tenderë njëburimor. 

Mustafa këto komente i bëri në seancën e jashtëzakonshme të Kuvendit të Kosovës për themelimin e Komisionit Hetimor Parlamentar për procedurat e prokurimeve të negociuara pa publikim të njoftimit për kontratë, në ministri dhe në ndërmarrje publike qendrore.

Lexo po ashtu Shifrat e kontratave njëburimore, Rrustemi zbulon se si janë shpenzuar miliona euro në vitet e kaluara

“….Në Prishtinë qenkan 6 milionë euro tenderë burimor e harroi se në qeverinë e tij janë 209 milionë euro pa përfshirë tenderët për rezervat shtetërore, që i kanë klasifikuar si sekrete shtetërore.

Adnan dhe Vetëvendosje keni harruar që kryeshefi që e keni emëruar ju i KEK-it është arrestuar për shkak të tenderit njëburimor, se u mundove me thanë që Vetëvendosje janë të pa korruptuar. Kryeshefi që e keni emëruar është arrestuar për korrupsion për tenderë njëburimor.

Mos na tregoni përralla këtu amani ju koft”, u shpreh deputeti Mustafa. /Telegrafi/