Mourinho mund të barazojë sot rekordin e madh të Contes

Ndeshja e Romës kundër Genoas sot do të jetë ndeshja e 100-të e Jose Mourinhos në Serie A dhe një fitore do ta bënte atë të arrijë një rekord të rëndësishëm të mbajtur nga Antonio Conte.

Periudha e parë e portugezit në Itali erdhi nga viti 2008 deri në vitin 2010, kur ai kaloi dy vjet në krye të Interit.

Ai pati një kohë jashtëzakonisht të suksesshme në Milano, duke fituar dy tituj të ligës, një Kupë të Italisë dhe një Ligë të Kampionëve teksa fitoi tripletën e parë në histori të Italisë.

Lexo po ashtu Dy javë pushim, por cilat janë pesë ndryshimet që ndodhën në Serie A

Trajneri portugez kaloi kohë në Spanjë dhe Angli përpara se përfundimisht të kthehej në Itali vitin e kaluar me Giallorossët.

Nga 99 ndeshjet e para të Mourinhos në Serinë A, ai ka fituar 61, barazoi 21 dhe humbi 17, duke marrë 204 pikë në total.

Lexo po ashtu Mourinho me fshesë në dorë, ka larguar plot 20 futbollistë që nga ardhja e tij në Romë

Nëse Roma mund Genoan sot, ai do të ketë marrë 62 fitore nga 100 ndeshjet e tij të para, po aq sa rekordi i mbajtur nga Conte.

Conte aktualisht mban rekordin si trajneri me më shumë fitore në 100 ndeshjet e tij të para në Serie A në epokën e tre pikëve, dhe tani Mourinho mund t’i bashkohet atij në atë podium. /Telegrafi/