Mourinho inkurajon Lampardin t’i përdorë më shumë dy lojtarë të rinj te Chelsea

Jose Mourinho beson se ndalimi i transferimeve të Chelseat mund të mos jetë një gjë e keqe dhe ka inkurajuar Frank Lampard të shfrytëzojë sa më shumë lojtarët e rinj dhe të talentuar që ka në dispozicion të tij.

Christian Pulisic, i nënshkruar në janar, është e vetmja shtesë e re në Stamford Bridge këtë verë, megjithëse Blutë ishin në gjendje ta kthenin marrëveshjen e huazimit të Mateo Kovacic nga Real Madrid në një veprim të përhershëm.

Megjithatë, Mourinho ka thënë ish-skuadra e tij është një “klub shumë i veçantë”, të cilët kanë shumë lojtarë në gjirin e tyre dhe ka mbështetur dy lojtarë që kanë kaluar pjesën më të madhe të karrierës së tyre në Chelsea – Kurt Zouma dhe Tammy Abraham.

Lexo po ashtu Barkley po shkëlqen nën urdhrat e Lampardit, pas golit të bukur ndaj Barçës - shënon edhe kundër Readingut nga goditja e lirë

“Mendoj se çdo menaxher në botë i pëlqen të luajë me fëmijë nga akademia. Pyetja është: cili është produkti nga akademia? Me çfarë mund të punoni për të përmirësuar?”, ka thënë fillimisht  Mourinho për Sky Sports.

“Mendoj se Chelsea është një klub shumë i veçantë. Unë thjesht jap një shembull: Chelsea ka nevojë për një qendërmbrojtës – Kurt Zouma! Ju nuk keni nevojë të blini, nuk keni nevojë të shpenzoni. Zouma është aty”.

“Ai është kampion i Anglisë, ai ka luajtur për Chelsea, ka luajtur për Stoke dhe Everton në Ligën Premier dhe ka luajtur për Francën. Ai është lojtari juaj, ai është në huazim, ku do të blini një lojtar më të mirë se ai?”.

“Dëshironi një sulmues të ri – Tammy Abraham! Ai është i tyre. E njeh klubin. U formua në klub, u arsimua në klub. Ai ishte në huazim, luajti tashmë disa ndeshje në Ligën Premier. Ai është gati”, përfundoi portugezi. /Telegrafi/