Motrat e vogla amerikane që kishin humbur në malin që frekuentohet nga pumat, tregojnë se si mbijetuan në shi për 44 orë (Video)

Dy motra, njëra tetëvjeçare dhe tjetra pesë, që ishin zhdukur në pjesën veriore të Kalifornisë, janë gjetur pas 44 orëve të operacionit të kërkim-shpëtimit ku ishin angazhuar edhe qentë dhe helikopterët për t’i gjetur.

Motrat Leja dhe Caroline Kariko, i ka gjetur kapiteni i njësisë së zjarrfikësve që kishte ndjekur gjurmët e çizmeve që i kishin mbathur vajzat e vogla, transmeton Telegrafi.

Vogëlushet kishin dalë për shëtitje në një zonë malore afër shtëpisë së tyre, edhe pse e ëma u kishte thënë që mos ta bëjnë. Sipas Caroline, motra e saj Leja kërkonte një aventurë të vogël.

Megjithatë ato shpejtë e kuptuan se kanë humbur. Por, për fat të mirë kishin aftësi të jashtëzakonshme të mbijetojnë në kushte ekstreme, aftësi këto që i kanë mësuar nga prindërit.

“Filloi të bie shi, dhe aty e kuptova se duhet shpejtë të strehohemi diku. E gjetëm një hapësirë të përshtatshme dhe kështu e mbuluam me degë, e pasi që i kishim palltot që i rezistojnë ujit i shpëtuam shiut. Për fat të mirë kam ditur ta ndezi zjarrin, pasi kishte mësuar nga filmat”, ka shpjeguar Leja.

E për të mos u dehidruar, vajzat kanë pirë ujë nga gjethet e ushqimin e zëvendësuan me çokollatat që i kishin pasur në xhepa. Megjithatë kur ra terri bashkë me të ranë edhe temperaturat, kështu që Caroline filloi të frikësohet pasi ajo zonë njihet për sulmet e befasishme që ndodhin nga pumat.

“Motra ime nuk ka mundur të ndalë lotët tërë natën, e për ta qetësuar i kërkova që t’i kujtoj momentet e lumtura që kanë ndodhur në familjen tonë, kurse unë qëndrova e zgjuar tërë natën”, ka shtuar Leja.

“Jam ndjerë paksa nervoze dhe e frikësuar, por e dija se do të na gjej babai”, ka shtuar vajza që ia arriti ta mbajë të sigurt motrën e vogël. /Telegrafi/