Motra e vogël jua rritë shanset për tu bërë e trashë

Për një vajzë, të pasurit një motër të vogël mund të jetë gjë mjaft argëtuese.

Ju mund të flisni shumë gjëra së bashku dhe t’i ndani rrobat me njëra-tjetrën, transmeton Telegrafi.

Por, çfarë nëse ju themi se jeni më të rrezikuara të bëheni mbipeshë vetëm për shkak se keni lindur para motrës së vogël?

Një studim i kryer me 13,406 palë motra suedeze të lindura mes viteve 1991 dhe 2009 ka konstatuar se ato që lindin të parat kanë indeks më të madh të masës trupore (BMI) dhe janë më të prira të jenë obeze apo mbipeshë.

Sipas studimit, motrat e mëdha kanë peshë më të ulët në lindje, por kur rriten dhe bëhen nëna vet, ato kanë deri në 2.4% BMI më të lartë sesa motrat e vogla.

Veç kësaj, shkencëtarët po ashtu kanë treguar se motrat e mëdha, pra ato që kanë lindur të parat, janë 29% më të prira të jenë mbipeshë sesa motrat e vogla, dhe 40% më të prira të jenë obeze.

Një prej teorive se përse ndodh kjo, thotë se enët e gjakut të cilat e furnizojnë fetusin me vlera ushqyese janë më të holla në rastet e shtatzënive të para. Si rezultat, ekziston një mundësi e reduktimit të furnizimit të vlerave ushqyese, gjë e cila e bën individin më të rrezikuar të ruajë më shumë yndyrë dhe të ketë insulinë që punon në mënyrë më pak efikase më vonë. /Telegrafi/