Qëndrimi i Autoritetit Palestinez ndaj çështjes së Kosovës ka ndryshuar pas abstenimit të Shqipërisë me rastin e votimit në Asamblenë e Përgjithshme të OKB-së, më 29 shtator 2012, që Palestinës t’i njihet statusi i “shtetit vëzhgues jo anëtar” në OKB.
Ky është vlerësimi i Qemajl Morinës, njohës i rrethanave politike në Lindjen e Mesme. Morina ka thënë për Telegrafin se për rastin e lartpërmendur, ambasadori palestinez në Tiranë, Isam Masaliha, kishte shprehur zhgënjimin e thellë të Autoritetit palestinez për qëndrimin e shtetit shqiptar ndaj kauzës palestineze.
Është raportuar në media se ministri palestinez i Ekonomisë, Jawad Naji, gjatë një takimi me kryeministrin serb Ivica Dacic ka deklaruar se për Palestinën është e rëndësishme mbështetja për zgjidhjen “e problemeve në Kosovë”, në përputhje me parimet e së drejtës ndërkombëtare. Në media kjo është interpretuar si pozicionim i ministrit palestinez në krah të Serbisë.
“Vlen të theksohet se ma rastin e votimit në fjalë Serbia kishte qenë i vetmi shtet nga vendet e Evropës jug-lindore, që kishte votuar për rezolutën në fjalë, me qëllim të rritës së rejtingut të saj në vendet arabe dhe ato islame,në veçanti pas abstenimit të Shqipërisë si vend anëtar i Organizatës për Bashkëpunim Islamik”, ka thënë Morina.
Ai e citon ambasadorin Masaliha të ketë thënë se Shqipëria kishte qenë ndër shtetet e para që kishte treguar mirëkuptim ndaj kauzës palestineze që në vitet e gjashtëdhjeta të shekullit që lamë pas, kurse që nga viti 1988 në Tiranë ishte hapur ambasada e Palestinës ndër të parat në botë.
Ndërkohë, Morina thekson se Izraeli ende nuk e ka njohur pavarësinë e Kosovës, ndërkohë që mban marrëdhënie të mira me Serbinë. “Hapja e ambasadës së Izraelit në Tiranë kohë më parë mund të jetë shenjë e mirë në drejtim të njohjes së Kosovës”, ka thënë Morina.
Në anën tjetër, Qemajl Morina mendon se njohja e Kosovës nga Egjipti është vetëm çështje kohe. Sipas tij, vonesa mund të jetë për shkak të proceduarve dhe rregullave administrative.
“Këtë dy herë e ka konfirmuar ndihmësja e presidentit egjiptian për çështje politike, zonja Sharkavi. Besoj se me njohjen e Egjiptit do të pasojnë edhe njohjet tjera nga vende të tjera arabe dhe islame, të cilat deri më tani nuk e kanë bërë një akt të këtillë”, ka thënë Morina.
Ai beson se diplomacia kosovare është në nivel të misionit të saj për të lobuar, e kjo sipas tij më së miri shihet nga intervista e presidentit serb, Nikolic, dhënë të përditshmes së Kajros “Al-Ahram”, ku apelonte tek autoritet egjiptiane që të mos nguten ta njohin Kosovën. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
Ndalohet një shtetas i Kosovës në Maqedoni, kërkohej nga Interpoli
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë