Morata thyen heshtjen dhe flet për të ardhmen e tij

E ardhmja e Alvaro Moratas vazhdon të jetë e paqartë nëse do të mbetet te Atletico Madrid apo do të largohet gjatë afatit kalimtar veror.

Sulmuesi spanjoll është në Euro 2024 me Kombëtaren e Spanjës, megjithatë nuk kanë munguar pyetjet në drejtim të tij sa i përket të ardhmes.

31-vjeçari ka një klauzolë largimi të ulët prej 15 milionë euro dhe shumë klube të mëdha janë vënë pas tij.

Lexo po ashtu Mourinho po e kërkon me çdo kusht ish-lojtarin e tij te Fenerbahce, klubi turk i bënë një ofertë të madhe

Vet Morata ka folur nga Gjermania, duke thënë se nuk e di ende nëse do të mbetet në kryeqytetin spanjoll apo do të largohet pas Evropianit.

“Nuk e di nëse do të qëndroj te Atletico. Ka shumë ndeshje që nuk i kam luajtur plotësisht. Jam mjaft i rritur sa nuk mund të jem një opsion i dytë. Dua të luaj dhe mbi të gjitha, ndihem i rëndësishëm vitin e kaluar, por nuk e nisa si titullar, por dua të ndihem i rëndësishëm”.

“Nuk ka nevojë që ‘Cholo’ të më shkruajë. Unë e njoh atë në mënyrë perfekte. Nëse nuk do të llogariste tek unë, do të më kishte thirrur”, tha Morata.

Lexo po ashtu Morata flet në fushë dhe tashmë është golashënuesi i tretë më i mirë në Kampionatet Evropiane

Roma, Milan, Juventus dhe Fenerbahce janë skuadrat që kanë shprehur interesim për transferimin e sulmuesit spanjoll në afatin kalimtar veror.

Megjithatë vet Morata ka bërë të qartë se të ardhmen e tij do ta vendos vetëm pas Kampionatit Evropian. /Telegrafi/