Monaco e ka fituar ndeshjen e parë çerekfinale të Ligës së Kampionëve kundër Borussia Dortmundit (3-2) që u zhvillua në Westfalenstadion.
Në minutën e 17-të, u akordua penalti në favor të ekipit mysafir, mirëpo Fabinho dështoi të realizonte nga pika e bardhë.
Megjithatë, vetëm dy minuta më pas, skuadra franceze kaloi në epërsi me golin e Kylian Mbappe Lottin (19’). Vizitorët shkuan në pushim me epërsi të dyfishtë pasi realizoi edhe Sven Bender (35’).
(Monaco)
Vendasit u angazhuan në gjysmën e dytë dhe arriti te goli me anë të Ousmane Dembele (57’). Mirëpo, Kylian Mbappe Lottin shënoi edhe golin e dytë personal që ishte i bukur (79’).
Përpjekjet e vendasve u shpaguan me golin e Shinji Kagawas (84’), mirëpo deri në fund ata nuk shënuan gol tjetër.
Ky rezultat e favorizon Monacon për t’u kualifikuar në gjysmëfinale, megjithëse Borussia Dortmundi do të japë maksimumin edhe në ndeshjen kthyese. /Telegrafi/
https://twitter.com/BiancoWelle/status/852206551498719234
https://www.dailymotion.com/video/x5i05vc_ousmane-dembele-goal-dortmund-1-2-monaco-12-04-2017-hd_sport
https://twitter.com/FootyVibez/status/852225852804911105
https://www.dailymotion.com/video/x5i09y8_shinji-kagawa-goal-hd-borussia-dortmund-2-3-monaco-12-04-2017_sport
