Momenti kur Besa Kokëdhima rrëshqet dhe për pak sa nuk rrëzohet në skenë në Festivalin e RTSh-së

Nata finale e Festivalit të Këngës në RTSh mbajti të gjithë shikuesit në pritje të performancave të shkëlqyera, por ishte këngëtarja e talentuar Besa Kokëdhima ajo që mbeti në kujtesën e të gjithëve – jo vetëm për zërin e saj melodik, por edhe për një incident të vogël që tregoi profesionalizmin e saj të jashtëzakonshëm.

Gjatë interpretimit të këngës “Zemrën n’dorë”, një moment i papritur mbërtheu frymëmbajtjen e të gjithë spektatorëve, pasi taka e Besës rrëshqiti në mënyrë të papritur dhe ajo për pak nuk përfundoi në dysheme.

Megjithatë, me një grintë dhe qetësi të pabesueshme, ajo arriti të korrigjojë hapin në kohë dhe të vazhdojë performancën sikur asgjë nuk kishte ndodhur, duke shpëtuar rëzimin me një elegancë të përsosur.

(Shikoni videon nga minuta 2:50)

Ky incident i vogël nuk e ndërpreu aspak shkëlqimin e Besës gjatë performancës së saj mahnitëse.

Madje, përkundrazi kt incident duket se shërbeu vetëm për “syrin e keq”, pasi pak minuta më vonë ajo u shpall më e votuara e publikut dhe e zgjedhura e tyre për ta përfaqësuar Shqipërinë në ‘Eurovision 2024’.

“Zemrën n’dorë” është kënga reprezentuesee Shqipërisë në festivalin e ardhshëm evropian, i cili do të mbahet në Malmo të Suedisë gjatë muajit maj. /Telegrafi/