Momenti emocionues kur Angelina Jolie shkoi për të takuar fansin e sëmurë në shtrat gjatë Festivalit të Filmit në Venecia

Angelina Jolie, 49 vjeçe, ndau një moment të ngrohtë me një fans ndërsa promovonte filmin e saj të ri “Maria” në Festivalin e Filmit në Venecia në Itali të enjten.

Ylli i “Girl, Interrupted”, u ul në gjunjë në fustanin e saj të mrekullueshëm ngjyrë shampanje ndërsa takonte një fans të shtruar në shtrat me Sëmundjen e Sklerozës Laterale Amiotrofike (ALS).

Para se të hynte në Sala Grande për premierën botërore të filmit të saj, aktorja mori një moment për të folur me mbështetësin e saj, duke vendosur ëmbël dorën mbi supin e tij, shkruan DailyMail.

ALS është një sëmundje neurodegjenerative progresive që prek qelizat nervore në tru dhe palcën kurrizore, të cilat kontrollojnë muskujt që na lejojnë të lëvizim, të flasim, të gëlltisim dhe të marrim frymë.

Lexo po ashtu Angelina Jolie ishte vet përkufizimi i elegancës në tapetin e kuq të Festivalit të Filmit në Venecia 2024

Jolie dukej mahnitëse në një fustan të gjatë elegant me detaje te krahët, ndërsa priste fotografët në ditën e dytë të festivalit të këtij viti.

Angelina Jolie kneeling down at red carpet of Venice Film Festival to meet a fan with ALS.

pic.twitter.com/s9jkAIxHo5

— EXECUTIVE MEDIA (@EXECUTIVEXMEDIA) August 29, 2024

Aktorja, e cila aktualisht ndodhet në mes të një divorci të zgjatur nga Brad Pitt, bëri një paraqitje të mirëpritur në tapetin e kuq përpara shfaqjes së parë zyrtare të filmit, duke konkurruar në ceremoninë vjetore.

Filmi i fundit i yllit, i titulluar “Maria”, është një dramë biografike për këngëtaren legjendare të operës Maria Callas. Filmi është realizuar me regji nga Pablo Larraín dhe prodhohet nga Fremantle.

Në rol kryesor është Angelina, me Valeria Golino si motra e saj Yakinthi, dhe Haluk Bilginer si Aristotel Onassis.

Angelina qeshi ndërsa fliste me djalim e sëmurë me ALS.

Aktorja e “Tomb Raider” tha më parë në një deklaratë: “E marr shumë seriozisht përgjegjësinë për jetën dhe trashëgiminë e Marias. Do të jap gjithçka që mundem për të përmbushur këtë sfidë”.

Angelina ka kurrë nuk ka kënduar në ekran – ose në publik – përpara se të pranonte të luante si këngëtarja legjendare e operës. “Të gjithë këtu e dinë, isha tmerrësisht nervoze”, tha Jolie në një konferencë për shtyp.

Filmi do të tregojë historinë e jetës së saj dhe do të përfundojë me vdekjen e saj të trishtuar në Paris pasi vuajti nga problemet e shikimit që e lanë pothuajse të verbër. /Telegrafi/