Modric shpërfill Bellinghamin dhe Viniciusin teksa zgjedh fituesin e Topit të Artë

Ikona e Real Madridit, Luka Modric, ka përzgjedhur një lojtar tjetër që dëshiron ta fitojë Topin e Artë këtë vit përpara shokëve të tij të skuadrës Jude Bellingham dhe Vinicius Junior.

Legjenda kroate ka thënë se anglezi dhe braziliani janë lojtar fantastik, por dëshiron që çmimin më të madh individual për një lojtar ta fitojë Toni Kroos.

Gjermani ka vendosur t’i japë fund karrierës së tij në klub pasi kontrata e tij me Los Blancos i skadon në verë. Ai ka qenë vendimtar në suksesin e gjigantëve spanjollë këtë sezon, pasi ka shënuar një gol dhe ka bërë tetë asistime në rrugën drejt titullit të La Ligës. Kroos ka prodhuar gjithashtu një asistim në Ligën e Kampionëve dhe ka të ngjarë të fillojë finalen kundër Borussia Dortmund të shtunën (1 qershor).

Duke folur për njeriun me të cilin ka ndarë fushën në 334 raste në të gjitha garat, duke menaxhuar një kontribut të përbashkët për gola, Modric deklaroi:”Topi i Artë? Me siguri dikush nga Real Madridi (qesh). Të preferuarit e mi janë Vinicius, Bellingham dhe Kroos. Do të doja që Toni ta fitonte atë, ai është miku im”.

Nëse Kroos fiton finalen e  Ligës së Kampionëve dhe shkon larg në Euro 2024 me Gjermaninë, ai do të ishte një pretendent i fortë për trofeun. Megjithatë, bashkëlojtarët e tij të lartpërmendur do të kishin gjithashtu një shans për të fituar çmimin.

Lexo po ashtu “Ata nuk më pyesin, nuk janë fëmijët e mi” – Ancelotti për të ardhmen e tre yjeve të Real Madridit

Që nga përfundimi i një transferimi prej 103 milionë eurosh nga Borussia Dortmund te Real Madridi verën e kaluar, Bellingham ka qenë sensacional. Ai ka luajtur 41 ndeshje në të gjitha garat, duke shënuar 23 gola dhe 12 asistime.

E njëjta gjë vlen edhe për Vinicius Junior, i cili ka shënuar 23 herë dhe ka dhënë 11 asistime në 38 ndeshje në të gjitha garat këtë sezon. /Telegrafi/