Ndër modelet hit të flokëve për vitin 2023 ra në sy “flutura me shtresa” dhe sa e pëlqyer tregon fakti që e mban edhe aktorja e këngëtarja e famshme

Nëse keni flokë të gjatë dhe modelin e flokëve në stilin tashmë të bobit ikonik sipas shijes suaj, atëherë gjithsesi mendoni për versionin e bobit të gjatë.

Bëhet fjalë për modelin e flokëve i cili i jep freski bobit me shtresa, kurse ajo që menjëherë bie në sy janë xhufkat e theksuara valëvitëse të cilat duken paksa retro, transmeton Telegrafi.

Pra, te flutura me shtresa shtresat duhet patjetër të jenë shumë të dukshme, me xhufka të shkurtra rreth fytyrës dhe qafës, të cilat flokëve u japin një stil boho shik me pupla, i cili është delikat dhe femëror.

Reklama
Reklama

Avantazhi i këtij bobi të rritur është se i jep volum flokëve, ndërsa frizura i ka pëlqyer edhe superyllit Jennifer Lopez, e cila e mban në videoklipin e ri promovues të komedisë romantike “Shotgun Wedding”.

Ky model flokësh gjithashtu duket i shkëlqyeshëm kur stilohet në një bisht, me fije të tërhequra rreth fytyrës. Teknika e flokëve me flutura me shtresa u demonstrua nga stilisti njujorkez Brad Mondo dhe rezultati është një model flokësh seksi dhe elegant. /Telegrafi/