Mit apo e vërtetë: Nëse i ndukni flokët e thinjura, nuk do të rriten më shumë flokë të thinjura në të njëjtin vend se zakonisht

Një nga mitet në lidhje me flokët e thinjura është pohimi se nëse i nduk flokët me rrënjë, më shumë flokë të thinjura do të dalin në atë vend, por ky është vetëm një mit, sepse një qime e re – e thinjur thjesht do të rritet në atë vend

Ky është thjesht vetëm një mit, nuk do të rriten më shumë flokë të thinjua në vend të tyre, nëse i nduk ato.

Në të vërtetë, nga çdo folikulë rritet një qime, kështu që ky proces i shkuljes nuk mund të nxisë rritjen e më shumë prej tyre, argumenton stilisti dhe floktari Matt Rez, për MBG, përcjell Telegrafi.

Domethënë, nëse vëreni se shfaqen më shumë flokë të thinjura, kjo është thjesht për shkak të plakjes së flokëve dhe trupit, vëren eksperti.

– Unë mendoj se njerëzit besojnë në këtë mit, sepse flokët e thinjur janë më të dukshme, veçanërisht kur flokët fillojnë ndryshime të tilla. Kanë një strukturë tjetër, janë të thatë, kështu që tërheqin vëmendjen e njerëzve, thotë Rez.

Por kjo nuk është një arsye për t’i këputur, sepse e gjitha shkakton stres në folikulë, më mirë ta lini të qetë dhe të ndryshoni ngjyrën e flokëve nëse ju shqetëson.

Mbi të gjitha, thinjat kanë qenë në modë tash e ca kohë, dhe jo vetëm ato natyrore, të cilave u duhet më shumë kujdes, por edhe hije të ndryshme artificiale gri, bionde, të cilat duken shumë të freskëta dhe madje mund të rinojnë pamjen. /Telegrafi/