Ministrja e Jashtme suedeze kundërshton pretendimet e Erdoganit se Suedia po mbështet terroristët kurdë

Presidenti turk, Recep Tayyip Erdogan po kundërshton fortë mundësinë e anëtarësimit të Suedisë dhe Finlandës në NATO.

I pari i shtetit të Turqisë po argumenton kundërshtimin duke pohuar se këto dyja vende nordike janë strehë e organizatë terroriste PKK.

Lexo po ashtu Pse po i druhet Turqia anëtarësimit të vendeve nordike në NATO?

Por, ministrja e Jashtme e Suedisë, Ann Linde, ka kundërshtuar pretendimet e shtetit turk se vendi i saj mbështet Partinë e Punëtorëve të Kurdistanit (PKK).

“Për shkak të dezinformatave të përhapura në masë të madhe rreth Suedisë dhe PKK-së, dëshirojmë të kujtojmë se qeveria e Olof Palme ishte e para pas Turqisë që e shpalli PKK-në si organizatë terroriste, tashmë në vitin 1984. BE-ja ndoqi shembullin në vitin 2002, kur Anna Lindh ishte e ministre e Jashtme e Suedisë. Ky pozicion mbetet i pandryshuar”, ka shkruar ajo në Twitter.

Theksojmë se pos Erdoganit, edhe presidenti kroat, Zoran Milanoviq ka kushtëzuar pranimin e suedezëve dhe finlandezëve në aleancën më të madhe ushtarake në botë.

Lexo po ashtu Presidenti kroat ndjekë shembullin e Erdoganit - Kroacia mund ta bllokojë anëtarësimin e Suedisë dhe Finlandës në NATO

Ndryshe, Suedia dhe Finlanda gjatë ditës së enjte kanë dorëzuar kërkesën për anëtarësim në Bruksel. /Telegrafi/

Due to the vastly spread #disinformation about 🇸🇪 and PKK, we would like to recall that the 🇸🇪 Government of Olof Palme was first after 🇹🇷 to list PKK as a terrorist organization, already in 1984. EU followed suit 2002, when Anna Lindh was 🇸🇪 FM. This position remains unchanged.

— Ann Linde (@AnnLinde) May 20, 2022