Milani humb Kjaerin, danezi gjashtë muaj jashtë fushave

Milani ka njoftuar se qendërmbrojtësi Simon Kjaer iu nënshtrua një operimi në gjurin e majtë për të rregulluar ligamentin e kryqëzuar dhe do të jetë jashtë fushës për gjashtë muaj.

Mbrojtësi kuqezi pësoi dëmtim në fillim të ndeshjes me Genoan të mërkurën dhe u largua me barelë nga fusha.

Trajneri Stefano Pioli e ka konfirmuar se ai mund të detyrohet të kërkojë një mbrojtës të ri në afatin kalimtar të janarit për të zëvendësuar danezin, i cili ka qenë një pjesë jetike e skuadrës.

Milan defender Simon Kjær will undergo knee surgery tomorrow after sustaining a ligament injury against Genoa. #GenoaMilan pic.twitter.com/GxS1djZIXq

— Football24/7 (@foet247europa) December 2, 2021

Klubi ka konfirmuar se lojtari i është nënshtruar një operacioni sot dhe 32-vjeçari pritet të mungojë për gjashtë muaj.

“AC Milan njofton se sot, Simon Kjaer iu nënshtrua artroskopisë në gjurin e majtë për rindërtimin e ligamentit kruciat të përparmë dhe rifutjen e ligamentit kolateral medial”.

Official Statement: Simon Kjær ➡️ https://t.co/u57sDZLAtW

Comunicato Ufficiale: Simon Kjær ➡️ https://t.co/aVcTSPBXGF#SempreMilan pic.twitter.com/IasMSsDRdJ

— AC Milan (@acmilan) December 3, 2021

“Operacioni, i kryer në Klinikën La Madonnina, ishte krejtësisht i suksesshëm dhe u krye nga Dr. Roberto Pozzoni me ndihmën e ekipit Galeazzi CTS (Qendra për Traumatologji Sportive) në prani të menaxherit shëndetësor të klubit, Stefano Mazzoni”, thuhet në njoftim.

Deklarata zyrtare nga kuqezinjtë shpjegoi se qendërmbrojtësi po ecën mirë dhe është i motivuar të fillojë menjëherë procesin e rehabilitimit. /Telegrafi/