Mihajlloviç: Serbia dhe Maqedonia e Veriut do të investojnë bashkarisht në tejkalimin e krizës energjetike

“Iniciativa “Ballkani i Hapur” paraqet një mundësi për Serbinë, Shqipërinë dhe Maqedoninë e Veriut që bashkërisht të zbatojnë projekte në fushën e energjisë, kryesisht në fushën e kapaciteteve të reja dhe për të forcuar sigurinë energjetike”, tha zëvendëskryeministrja serbe dhe ministrja e Minierave dhe Energjisë Zorana Mihajlloviç.

“Iniciativa “Ballkani i Hapur” është një mundësi e shkëlqyer për lidhje dhe bashkëpunim për një fluks më të madh njerëzish, mallrash dhe kapitali, si dhe për projekte të përbashkëta, tha Mihajlloviç sot në Beograd, ku mbahet Panairi i Parë Ndërkombëtar i Verës, Ushqimit dhe Turizmit.

Panairi organizohet në kuadër të Iniciativës “Open Balkans”.

Ajo theksoi se sot në Beograd vijnë kryeministrat e Shqipërisë dhe Maqedonisë së Veriut dhe se ky takim do të jetë i frytshëm.

“Kemi edhe një grup të përbashkët të krizës energjetike, për të cilin folëm së fundmi në Tiranë. Kemi disa projekte me Maqedoninë e Veriut që planifikojmë t’i zbatojmë. Njëri është gazsjellësi me një kapacitet prej 1.4 miliardë metra kub gaz që do të kushtojë rreth 20 milionë euro. Ne po diskutojmë gjithashtu mundësitë e ndërtimit të një termocentrali të përbashkët diellor”, tha Mihajlloviç.

Kur është fjala për Shqipërinë dhe ndërtimin e një terminali të ri LNG, shtoi ai, po diskutojmë mundësitë që Serbia të jetë pjesë e atij projekti.

“Ai terminal duhet të funksionojë për dy vjet. Ai do të ketë një kapacitet prej pesë miliardë metra kub gaz dhe do të ishte shumë domethënëse të kishte mundësi furnizimi. Ajo që është e rëndësishme për të tre vendet, për të cilën kemi diskutuar gjithashtu, është balancimi i përbashkët i energjisë elektrike, duke pasur parasysh faktin se të gjithë kemi objekte që përdorin burime të ripërtëritshme të energjisë dhe plani është që ato të rriten”, thekson Mihajlloviç.