Mediat në Spanjë raportojnë se ylli i Barcelonës, Lionel Messi e dëshiron në skuadër mbrojtësin e Bayern Munichut, David Alaba.
Barcelona është lidere dhe në garë për të gjithë trofetë këtë sezon, por dëshiron ende të përforcojë organikën e skuadrës.
Sipas raportimeve të mediumit Diario Gol, Alaba është i zgjedhur i Messit për të transferuar te Barcelona.
Ylli argjentinas mendon se austriaku do të ndihmonte shumë në përmirësimin e mbrojtjes që vazhdon të mbetet dobësia e katalunasve.
Liderët e La Ligas thuhet se kanë siguruar kalimin e Antoine Griezmann gjatë verës, por Messi gjithashtu kërkon që edhe Alaba t'i bashkohet klubit.
Alaba njihet si një lojtarë shumë aktiv në të dy fazat e lojës dhe për harkimet e sakta nga e majta, që shpesh përfundojnë me gol nga sulmuesit.
Austriaku do ta ndihmonte shumë Barcelonën, pasi mund të luaj pa problem edhe në rolin e mesfushorit.
Çmimi i lojtarit në njërën nga faqen e njohura është 38 milionë euro, por klubi gjerman nuk e vlerëson nën 50 milionë euro. /Telegrafi/
