Mësohet favoriti kryesor për ta zëvendëuar Southgaten pas përfundimit të Euro 2024

Është mësuar favoriti kryesor për ta zëvendësuar Gareth Southgate në stolin e Anglisë, vetëm një ditë pas finales së Kampionatit Evropian.

Anglia pësoi humbjen e dytë radhazi në një finale të Kampionatit Evropian, teksa mbrëmë (e diel) humbën me rezultat 2-1 ndaj Spanjës në Berlin.

Golat për Spanjën i shënuan dyshja Nico Williams dhe Mikel Oyarzabal ndërsa të vetmin gol për Anglinë e realizoi Cole Palmer.

Southgate ishte kritikuar gjerësisht për mënyrën se si e përdori ekipin e tij të talentuar, veçanërisht për faktin se kishte në dispozicion lojtarin më të mirë të Ligës Premier, Bundesligës dhe La Ligës.

Lexo po ashtu Humbi finalen e dytë radhazi me Anglinë, Southgate jep një sinjal për të ardhmen e tij

Sipas disa gazetarëve, Southgate sipas të gjitha gjasave do të ofrojë tërheqjen nga posti i përzgjedhësit pas tetë vitesh në krye të Anglisë.

Tani sipas raportimit nga mediat angleze ka tre favoritë të cilët do të konsideroheshin nga Federata e Futbollit të Anglisë për ta zëvendësuar atë.

I pari dhe favoriti për këtë stol është ish-trajneri i Brightonit dhe Chelseat, Graham Potter. 49-vjeçari ishte shkarkuar nga Chelsea në prill të vitit të kaluar pas vetëm 31 ndeshjeve në krye të “Bluve të Londrës”.

Lexo po ashtu Gareht Southgate tregon se cila ishte pika e dobët në finale e Anglisë

Kandidati i dytë është një tjetër ish-trajner i Chelseat. Bëhet fjalë për Mauricio Pochettinon i cili momentalisht është i papunë dhe mund ta konsiderojë ofertën nga Anglia.

Dhe i treti është anglezi Eddie Howe i cili momentalisht ka drejtimin e Newcastle United. Howe njihet si një trajner me futboll atraktiv dhe kjo mund ta bëjë një opsion tërheqës për ‘Tre Luanët’./Telegrafi/